الله يسامحك بقلم (المصرى )

الله يسامحك
الله يسامحك يا ريس وميسلمك واصل
انت السبب فى اللى صاير وحاصل
خليت ولادك تهينك من ظلم حراسك
دابدال متمشى بكرامتك وطيت لهم راسك
وحالا بئينا ولادك الغاليين
وانك بئيت وطنى من جيل تلاته وسبعين
وان ميهمكش غير مصلحة شعبك
طب سبت ليه العادلى يقضى على عدلك
طب سبت ليه عز واخوانه يتمرمغو فعزك
تلاتين سنه عايش غريب والاسم فبلادى
مسجون وعايش فقمع مالخوف لجمتلى لسانى
الشرطه كانت زمان فخدمه الشعب
لاكن فعهدك يا ريس صبح الشعار كدب
ابويا ماشى موافق وعلى راسى
ولضربتك الجويه فاكر ومش ناسى
: حاضر يا ريس موافق انك تموت راجل
علمتنى القسوه بظلمك والقلب بئا قاسى
يارب ياااارب خدلى بتارى من اللى سرق قوتى
يارب اشهد عليا وان كنت ظالم حكمك يكون موتى
مبروك عليكى يا مصر قومى افرحى بشعبك
قالو اخيرا لاااااااااااء رفعو يا غاليه راسك
خلعنا ثوب العار وطلعنا عالميدان
سكتنا كل جبان بالعلم والايمان
فمتزعليش لو مات مننا كام واحد
ما ياما مات مالجوع واحد ورا واحد
ولا حد حس بذنب ولا حد كان سائل
كنت بغنى مواويل على حالى واحزانى
كنت بقول شعر حبرو كان الدم وضلوعى اوراقى
انا كنت عربى ومسلم مين اللى مصرنى
انا كنت سورى سودانى عراقى مين اللى قسمنى
الله يسامحك يا ريس كرهتنى فى ناسى وكرهتهم فيا
خمتنى يوم ما ناديت وقولت حريه وطنيه
فينك يا ناصر يا بطل معدتش بعدك قوميه ولا حتى عربيه
مبروك عليكى يا امه الخزى والهم
تونس ومصر النهارده صيده لولاد العم
اتلئو بئا وعدكو دا العقد لو ينفرط مالصعب يتلم
الله يسامحك ياريس تلاتين عهدك
عشره برضع سم
وعشره بدوق الهم
وعشره عيشهم غم
مبروك عليك الكرسى لا ترحل ولا تمشى
مبرررررررروووووووووك عليك يا عم